Павлодар қаласы білім бөлімінің «Павлодар дарыны» бос уақытты  қамту және балалардың  дарындылығын дамыту орталығымен 31 қазанда сағат 10.00-де №2 мектепте (Бұхар жырау к-сі 9/1)  республикалық «Ілияс Жансүгіров оқулары»  байқауының қалалық  кезеңі өткізіледі. Мақсаты - оқушылардың шығармашылық қабілеттерін қолдау, қазақстандық жазушылардың оқу дағдыларын қалыптастыру, эстетикалық, адамгершілік тәрбиені қалыптастыру.

8 - 11 сынып оқушылары, байқаудың мектеп кезеңінің жеңімпаздары қатысады. Байқау бес  номинация бойынша өтеді: «Ілияс - эпик ақын» - шығарманы жалғастыру номинациясы, «Жаз! Жаз! Қалам, жорғалап» - жас ақындар мүшәйрасы, «Ілияс – қарасөз шебері» - прозалық немесе драмалық шығармалырынан үзінді мәнерлеп оқу, «Сұлу сөздің сүлейі» - шығарманың көркемдік құрылысын талдау номинациясы, «Заманның заңғар тұлғасы» - буктрейлер номинациясы.

Байқау қорытындысы бойынша жеңімпаздар мен жүлдегерлер Павлодар қаласы білім бөлімінің I, II, III дәрежелі дипломдарымен марапатталады. Қалалық оқу жеңімпаздары облыстық кезеңге қатысады.

Павлодар қаласының білім беру бөлімі