2017 жылдың4 шілде күні сағат 10.30-да Конституция алаңы 1, қала балабақшаларының спорт алаңдарында «Туған күнімен Астана!» атты Астана күніне арналған қала балабақшалар тәрбиеленушілері арасындағы бірлескен флешмобы өтеді. Мақсаты - өсіп келе жатқан ұрпақтың бойына азаматтық патриотизмді қалыптастырып, еліміздің жеткен жетістіктеріне деген мақтаныш сезімдерін дамыту.

Флешмобқа 1000 астам қала балабақшаларының тәрбиеленушілері қатысады.

Флешмоб «Туған күніңмен, Астана! Сенімен мемлекетіміз мақтанады! Гүлдене бер менің Астанам, бақыт пен қуаныш тілеймін саған!» ұранымен өткізіледі. Конституция алаңында № 4, 17, 18, 38, 40, 51 балабақшалар тәрбиеленушілері колонна бойымен тұрып, Астана жайлы патриоттық әуендерге ритмикалық би билейді. Би марафоны әуе шарлары мен батпырауықтарды көкке ұшырумен аяқталады.

Павлодар қаласының білім беру бөлімі