«Балдаурен» оқу-сауықтыру орталығында облыстық білім беру мекемелерінде жазғы демалысты ұйымдастырушыларға арнайы семинар-практикум өтті. Мақсаты - жазғы демалыс лагерлерінде, мектеп жанындағы профильдік  лагерьлерде және алаңдарда  әр форматта өткізілетін іс-шараларды  өткізудегі  тәжірибелерімен алмасу,  практикада  қолдану.

Семинарға білім беру басқармасының қосымша білім және тәрбие жұмысы бөлімінің, қоғамдық денсаулық сақтау департаментінің, Павлодар облысы дін істері басқармасының діни бірлестіктермен жұмыс бөлімінің, ТЖД өрт қауіпсіздігі саласындағы  бақылау-профилактикалық жұмысының, салауатты өмір салтын қолдау орталығының білім беру бағдарламалары бөлімінің  мамандары және Павлодар ауданы жергілікті полиция қызметінің ЖӨЖЖ аға инспекторы қатысты.

Жаңа форматтағы семинар облысымызда алғаш рет өткізілуде, сондықтан балалардың демалыстарын жақсы өткізуге және денсаулықтарын жақсартуға  барлық қолайлы жағдайлар мен ресурстары бар «Балдәурен» орталығы  таңдалды.

Екі күнде 50-ге жуық тәлімгерлер, әлеуметтік педагогтар, тәрбие ісі бөлімдерінің мамандары   шығармашылық зертханаларда, шеберлік-сағаттарда, тренингтерде қатысып, ұсынылған  қызықты жұмыс түрлерін практикада қолдануға мүмкіншілік алды. Тренерлер ретінде Павлодар қаласының «Жігер» балалар жасөспірімдер клубының, Екібастұз қаласының «Қайнар» білім беру-бос уақытты қамту кешенінің, Шарбақты ауданының «Радуга» мектептен тыс жұмысы орталығының және жастар бастамаларын дамыту орталығының мамандары шақырылды. Семинар қатысушылардың жаңа идеялармен, жоспарлармен балалардың жазғы демалыстарын ұйымдастыруға көмектеседі.