ПАВЛОДАР ҚАЛАСЫНЫҢ БІЛІМ БЕРУ МЕКЕМЕЛЕРІНІҢ ВЕБ-САЙТТАРЫ
kense.oo.ap@pavlodar.gov.kz
140 000 Павлодар қ., Кривенко көшесі, 25
32-21-67
сенім телефоны/Call-орталық
8 7182 32 19 37

Сайт отдела образования города Павлодара
Сайттың аналитикасы
Бір жылда
Бір айда
Бір аптада
Кеше
Павлодарда «Шәкәрімтану» орталығы ашылды
15-05-2018 14:47
Павлодарда «Шәкәрімтану» орталығы ашылды

Н. Назарбаевтың «Болашаққа бағдар: рухани жаңғыру» атты мақаласына ғұлама ақын, сазгер, шебер аудармашы, ойшыл кемеңгер Ш. Құдайбердіұлының туғанына 160 жыл толу мерейтойы қарсаңында Павлодар қаласы № 25 ЖОМ «Шәкәрімтану» орталығы ашылды.

Орталықтың ашылуына қаламыздың құрметті азаматтары, білім, өнер, мәдениет саласының майталмандары, қоғам қайраткерлері, БАҚ өкілдері қатысты.

Орталықтың лентасын қию мәртебесіне облыстық ішкі саясат басқармасының басшысы Дәуенов Ернұр Нұрланұлы мен Шәкәрім Құдайбердіұлыныңұрпағы  Уақбаева Құралай Мұхамедшайыққызы ие болды.

Облысымыздың айтыскер ақыны Қуаныш Шарманов орталықтың ашылу рәсіміне арналған өзінің  арнауын жолдады. Шәкәрім ақынның ұрпағы мектебіміздің 6-сынып оқушысы Хамит Арлан атасының «Ғылымсыз адам айуан» өлеңін мәнерлеп оқып берді. Ақынның «Адамдық борышың» өлеңін 9-сынып оқушысы Казбек Жансая,  «Шын бақ қайсы, күншіл кім?» өлеңін Тургунбаева Аида мәнерлеп оқыса, «Қалқаман-Мамыр» поэмасы үзіндісінен республикалық, облыстық, қалалық оқулардың жүлдегерлері Қуандық Рахат пен Тусупбекова Дамира көрініс қойды. Ал қалалық «Абай» оқуларының жүлдегері Ахметжанова Шолпан  ақынның «Бұл ән бұрынғы әннен өзгерек» әнін орындады.

Орталықтың ішкі мазмұнымен қонақтарды Казбек Жансая, Саримова Айым, Ғарифолла Данара толық әрі түсінікті етіп таныстырып өтті.  Орталықта Семейден жеткізілген  ақынның шығармалар жинақтары қойылған. Шәкәрімнің шөбересі Уақбаева Құралай Мұхамедшайыққызы құттықтау сөзінде орталықты ашу үшін дайындық жұмыстарының 2017 жылдың 17 ақпанынан басталғанын және қазақ әдебиеті тарихында үлкен орын алатын аты аңызға айналған адам туралы мәліметтер жинақталғаны туралы айтып өтті. Сөз соңында Құралай Мұхамедшайыққызы Шәкәрім Құдайбердіұлына арналған «Ақын өлімі» туралы әнді орындап берді.

Мектебімізде орталықтың ішін безендірумен айналысқан және арнайы сайт ашқан қазақ тілі мен әдебиеті пәнінің мұғалімі Төлеубаева Жанна Дәрібайқызы жетекшілік ететін «Шәкәрімтану» үй»рмесі жұмыс жасайды.