«Рухани жаңғыру» бағдарламасы аясында және «Ұлы даланың жеті қыры» мақаласын жүзеге асыру шеңберінде Павлодар қаласының дене шынықтыру-сауықтыру бағытындағы № 41 ЖОМ 2019 жылғы 14 наурызда «Көне мұра - Ұлы даланың болашағы» тақырыбында Павлодар география үйімен бірлесе отырып өткізілді. Мақсаты: география, тарих, өлкетану білімдерін негізге ала отырып, Павлодар облысының ғана емес, сонымен қатар Қазақстанның киелі орындарын танып білу.
Шебер-сабағын Павлодар география үйінің директоры Вервекин Александр Анатольевич өткізді. Ол Ұлы Жібек жолы туралы, Ұлы Жібек жолымен өткен қазіргі заманғы елдердің туымен, сондай-ақ Тәжікстан, Үндістан, Қырғызстаннан әкелінген жәдігерлермен таныстырды. Оқушылар үлкен қызығушылықпен белсенді қатысты. № 41 ЖОМ география пәнінің мұғалімі Шевченко Алена Григорьевна және 9 сынып оқушысы Сидорук Ксения үш тілде «Медиа-мұражайға саяхат» деген брейн-ринг өткізді. Оқушылар әр тапсырманы: пазл, ребустар, сөзжұмбақтарды қызығушылықпен орындады, пәндер бойынша ассоциациялармен бөлісіп, тарих, география пәндерінен білімдерін көрсетті. Брейн-ринг барысында қатысушылар виртуалды сөздік жүргізді, онда елдің 7 бренді ағылшын, орыс, қазақ тілдерінде ойлар айтылды.
Мектеп директоры Анар Еркінқызы Солтанбекова: «Біз «Рухани жаңғыру» бағдарламасын жүзеге асыру аясында әртүрлі іс-шаралар өткіземіз. Қазақ халқының ұлттық салт-дәстүрлерін зерттеу мақсатында «Шаңырақ» жобасы іске асырылуда, «Қазақстан: Ұлы саяхат және саяхатшылар тарихы» атты бейне-сабақ өткізілді. Қаныш Сәтбаевтың 120 жылдығына орай «Қазақ жерінің Ұлы жұлдызы» атты шеберлік сабағы өткізіліп, сынып сағаттары мен кездесулер өтуде», - деді.