Өзге ұлт өкілдерінің мемлекеттік тіл білгірлері  арасындағы қалалық «Тіл-парасат» конкурсына 2019 жылдың 10 сәуір күні мұғалімдер мен жоғары сынып оқушылары қатысты.  Мақсаты - мемлекеттік тілдің қолдану аясын кеңейту, мемлекеттік тілге деген құрметті тәрбиелеу, талантты жастарды қолдау.  Конкурсты Павлодар қаласы мәдениет және тілдерді дамыту бөлімі қалалық П.Васильев атындағы кітапханада өткізді.

         Конкурс 3 турдан өтті: қазақ халқының мәдениетін тану бойынша сауалнама, эссе және шығармашылық сайысы. Қазылар алқасы қатысушылардың мәдениет пен тіл білімін терең білетіндігін атап өтті.

        Конкурс нәтижесінде Павлодар қаласы №33 мектептің 9-сынып оқушысы Каратель Ханларова І орынға иеленіп, қаланың намысын облыстық турда қорғайтын болды (мұғалімі Нарша Қаиргельдиновна Уртакова).  Оқу жылы барысында Каратель түрлі конкурстар мен олимпиадаларда жүлделі орындарға ие болды.  2018 жылдың желтоқсан айында республикалық «Мың бала» - «Асыл сөз» конкурсының облыстық турында 1 орын алды, ол республикалық «Мың бала» жобасының «Еркін сөйле» номинациясының ең үздік бейнеролигі үшін жеңімпаз атанды, қалалық олимпиадада қазақ тілі пәнінен, «Мағжан оқулары» ҮІ қалалық конкурсында  3 орынға ие болды.

         ІІ орынға 2019 жылғы республикалық пән олимпиадасында орыс тілінен абсолютты жеңімпазы, көптілділік бойынша олимпиадалар, қазақ тілі пәні олимпиадаларының бірнеше мәрте жеңімпазы № 16 лицей-мектебінің 10-сынып оқушысы София Мельник иеленді.

         ІІІ орынға № 17 ЖОМ 10-сынып оқушысы, оқу үздігі, жыл сайын қазақ тілі пән олимпиадасының, «Мың бала», «Әй, жарайсың!» қалалық конкурстарының жеңімпазы Крупина Татьяна ие болды.

         Жеңімпаздар Павлодар қаласы мәдениет және тілдерді дамыту бөлімінің грамоталарымен және смарт сағаттарымен марапатталды.