«Балалар еңбегін қанауға қарсы 12 күн» Ұлттық ақпараттық науқан шеңберінде 2019 жылғы 7 маусым күні Павлодар қаласының экологиялық бағыттағы ЖОМ «Күншуақ қаласы» мектеп жанындағы лагерінде флешмоб өтті. Мақсаты - балалар еңбегін жою мәселелері бойынша халықтың хабардарлығын арттыру.

Музыка және хореография мұғалімдері «Жоқ! деп айтайық» атты флешмобтың музыкалық және би композициясын дайындады. Флешмобқа 169 оқушы қатысты. Мектеп жанындағы лагерьде 1 - 11 маусым аралығында мектептің 1 - 6 сыныптарының 180 оқушысы демалады. Осы кезеңде балалар Павлодар облыстық көркемсурет мұражайында Павлодар қаласы ЮНЕСКО клубының Балалар көркемсурет мектебі түлектерінің көрмесіне, Г. Н. Потанин атындағы Павлодар облыстық тарихи-өлкетану  мұражайында «Көне сағаттар әлі жүріп тұр...» көрмесіне барды. 2 маусымда 12 шілдеге дейін 240 оқушы демалады.

Мектепте 1 - 10 сынып аралығында 1182 оқушы оқиды, жазғы кезеңде мектеп жанындағы және бейінді лагерлерде демалумен, сауықтырумен, мектеп жанындағы учаскеде, еңбек отрядтарында жұмыспен және спорттық жаттығулармен 85,4% оқушы қамтылады. Ж. Аймауытов атындағы Павлодар облыстық қазақ музыкалық-драма театрында «Қожа және спорт» театрланған қойылымға, қызығушылықтары бойынша шеберлік сағаттарға бару жоспарлануда.