Дарынды балаларды қолдау мақсатымен 2019 жылғы 1 қарашада Павлодар қаласының № 37 мектебінде «Бастау» бастауыш сынып оқушыларының облыстық математикалық турнирі өтті. Турнирге 37 команда, соның ішінде қалалық турнирдің жеңімпаздары № 24 (3), № 38 (3) мектептерінің құрамы 6 оқушыдан тұратын 2 командасы қатысты. Турнир 2 кезеңнен тұрды - ауызша командалық және жазбаша жеке.

Ауызша командалық турдың қорытындылары бойынша № 38 ЖНМ құрама командасы ІІ орын, № 24 мектеп командасы ІІІ орын алды.

Жазбаша жеке турдың қорытындылары бойынша 2 сынып оқушылары арасында ІІІ орынды № 24 мектеп оқушысы Алистратенко Карина, № 38 мектеп оқушысы Бахытбек Дамиля иеленді. 3 сынып оқушылары арасында ІІ орынды № 38 ЖНМ оқушысы Каликан Динмухаммед иеленді. 4 сынып оқушылары арасында IІІ орынды № 24 мектеп оқушысы Буньков Никита иеленді.

Жеңімпаздар мен жүлдегерлер I, II, III дәрежелі дипломдармен марапатталды. Барлық қатысушылар «Ертіс дарыны» өңірлік қосымша білім беру оқу-әдістемелік орталығының сертификаттарымен аталып өтті.