Павлодар және Семей қалалары педагогтарының ынтымақтастығы туралы меморандум шеңберінде Павлодар қаласының білім беру бөлімі Zoom платформасында «Жаратылыстану-математикалық бағыттағы пәндерді ағылшын тілінде оқыту» мастер-классын өткізді. Семинарға Павлодар және Семей қалаларының үш тілді оқытуды енгізетін жаратылыстану-ғылыми бағыттағы 100-ден астам мұғалімі қатысты.

Семинардың модераторы Павлодар қаласы білім беру бөлімінің әдіскері Сабитова Назира Сайделенқызы болды. Өз сөзінде ол ағылшын тілінде жаратылыстану-ғылыми бағыттағы пәндерді жүргізетін Павлодар қаласының мектептерінде пилоттық жобаның мониторингін ұсынды. Павлодар қаласының мектептерінде үш тілді білім беру жағдайын бағалауды талдау негізінде пән және тіл бойынша кіріктірілген оқытуды жүзеге асыру үдерісінде сапалы нәтижелерге қол жеткізу бойынша педагогтар үшін ұсыныстар берілді.

Семинар бағдарламасы төрт шағын-мастер-классты қамтыды. № 34 мектептің физика мұғалімі Лариса Михайловна Лымарчук қашықтықтан оқыту жағдайында физика пәнінен зертханалық практикумды өткізу туралы жұмыс тәжірибесімен бөлісті. № 6 мектептің химия пәнінің мұғалімі Сыздықова Ляззат Замзамқызы қашықтықтан оқыту жағдайында үш тілді сабақта химия пәні бойынша материалдарды қосу формаларын көрсетті. № 11 модульдік үлгідегі бейіндік мектептің биология пәнінің мұғалімі үш тілді оқыту бойынша 6-сыныпта биология пәнінен арнайы курста QR код әдістемесін қолдануды іс жүзінде көрсетті. Қашықтықтан оқыту жағдайында № 29 мектептің информатика пәнінің мұғалімі Анна Викторовна Скляренко ғаламтор ресурстарын пайдалану туралы сөз сөйледі. Мастер-класс қорытындысы бойынша жаратылыстану-ғылыми бағыттағы пәндер бойынша ағылшын тілін енгізетін педагогтар үшін сауалнама мен сұрақ-жауап берілді. Семей қаласының қатысушылары мазмұнды іс-шара үшін алғыс айтып, осы мәселе бойынша одан әрі ынтымақтастық туралы ұсыныс жасады.