2020 жылы 8-қазан күні Павлодар қаласы білім беру бөлімі «Павлодар дарыны» бос уақытты қамту және балалардың дарындылығын дамыту орталығымен «Мағжан оқулары» қалалық кезеңі өткізіледі.

Мақсаты: Ақынның шығармашылығын насихаттау, оқушылардың шығармашылық қабілеттерін дамыту және рухани мұрасына деген сүйіспеншілікке тәрбиелеу.

Конкурсқа Павлодар қаласының 5 - 11 сынып оқушылары қатыса алады. «Мағжан оқулары» үш бағыт  бойынша өтеді: «Өлең - менің Шолпаным, Айым, Күнім» - ақынның шығармаларын жатқа оқу сайысы, «Толқынмен толқын сырласып...» - М. Жұмабаевтың шығармалары бойынша зерттеу жұмыстары, «Ақын да бір бала ғой ұмтылған» - жас дарындар сайысы (өз шығармаларын оқиды)

Әділ қазы құрамында қаланың жоғарғы оқу орындарының оқытушылары жұмыс істейді.

Конкурс қорытындысы бойынша жеңімпаздар мен жүлдегерлер қаланың білім беру бөлімінің І, ІІ, ІІІ дәрежелі дипломымен марапатталады және конкурстың облыстық кезеңіне қатысады.

Павлодар қаласының білім беру бөлімі