2021 жылдың 18 наурызында Балалар көркемсурет мектебінде "Наурыз келді!» мектеп оқушыларының сурет көрмесі ашылды. Экспозицияға Наурыз тақырыбы бойынша 4 және 16 жас аралығындағы жас суретшілердің 80-нен астам жұмыстары қатысты.

      Көктемгі жаңару, табиғаттың оянуы және жаңа өмірдің басталу мерекесін балалар өз суреттерінде кескіндеме мен графиканың түрлі техникаларында көрсетті. Әдет-ғұрып, салт-дәстүрлерді, ұлттық костюмдерді, салттарды, әшекейлерді, тағамдарды, тұрмыстық заттарды және киіз үйді безендіру сияқты ережелерді үйрену бойынша үлкен зерттеу жұмысы өз жемісін берді: балалар алған әсерлерін қағазға бояулар мен сызықтар. арқылы қорытындылады. Зерттелген материалдар негізінде оқушыларымыз Милана Исабекова "Дастархан" және Айлана Тляубергенова "Қамажай" атты шығармаларында өздерінің стильдендірілген және қайталанбас бейнелерін жасап, оларды жарқын декоративті композицияларға енгізді.

       Тағамдар әзірлеу, қолөнер, би өнері сияқты дәстүрлі көріністер де көз тартады, сондай-ақ, 7 жасар Амина  Дайырбектің "Жайлау" суретінде туған өлке табиғатының әдемі пейзаждарын, ал 9 жастағы Дарья Милещенконың "Киіз үйде" және 15 жастағы Айсана Тулешованың "Қонақжайлылық" шығармаларында ұлттық стильдегі жарқын натюрморттарды көруге болады.

     7 жастағы Томирис Сейтенованың "Қолөнері", 8 жастағы Рамина Смағұлованың "Туған өлкем" және "Көктем" атты Камелия Сапарованың көрмеге ұсынылған жұмыстарында дәстүрлерді, туған табиғатқа деген сүйіспеншілікті сақтау идеясы байқалады.