2026 жылғы 19 ақпанда Білім беруді дамыту инновациялық орталығы ынтымақтастық аясында Б.Ахметов атындағы Жоғары педагогикалық колледжі базасында «Тәжірибе. Практика. Рефлексия» атты облыстық практикалық- бағдарланған сессия өткізді.
Сессия жұмысына Павлодар облысының мектепке дейінгі ұйымдарының педагогтері, колледж студенттері, сондай-ақ Таштан Эрматов атындағы Бішкек музыкалық-педагогикалық институтының (Қырғыз Республикасы) өкілдері қатысты. Практикалық сессия форматы қатысушыларға авторлық әдістемелерін ұсынуға және нақты педагогикалық құралдарды іс жүзінде көрсетуге мүмкіндік берді.

Сессия болашақ педагогтердің кәсіби рефлексиясын дамытуға және тәжірибеге қажет құзыреттіліктерін қалыптастыруға бағытталған, «Педагогикалық action:идеядан тәжірибеге» әдістемелік курсын жүзеге асырудың жарқын мысалы болды.