Оқу ісі жөніндегі директордың орынбасары Апаева Ж.К., педагог-психологтар Ертаева И.С., Канжигалинова М.К. ата-аналарға арналған «Түсінемін және қолдаймын: ата-ананың ерекше білім беру қажеттіліктері бар балаға (ЕБҚ) қалай қолдау көрсетуі керек» тақырыбында сабақ өткізді.

Іс-шараның мақсаты – ата-аналардың психологиялық сауаттылығын арттыру және ерекше білім беру қажеттіліктері бар балаларды күнделікті өмірде және оқу барысында қолдаудың тиімді тәсілдерін меңгеруге көмектесу.

Сабақ барысында ата-аналық қолдаудың тиімді жолдары талқыланды: эмоционалдық байланыс орнату, баланың дербестігін дамыту, үйде қауіпсіз әрі қолайлы атмосфера қалыптастыру.
Сонымен қатар шағын жаттығулар өткізілді және ата-аналар жиі кездесетін өмірлік жағдайлар талданды.