Облыстық «ҰРПАҚ ҮНІ» жобасының «МирасLive» қосалқы жобасы аясында әдеби қонақжайға Павлодар қаласындағы Славян мәдени орталығы жанындағы Анастасия Цветаева музейі негізінде жұмыс істейтін «Наследники» шығармашылық студиясының жетекшісі Столяров Виктор Петрович шақырылды.

10-сынып оқушылары мен мұғалімдерге арналған «Рождестволық кездесулер» атты ретро-экспозиция ұсынылды.
Студия қатысушылары — Енджевский Давид, Абдурахманов Абдульхай, Тареев Дмитрий, Тареев Леонид — қонақтарды өткен жылдардың жылы атмосферасына жетелеп, Рождествоның отбасы дәстүрлері, байсалды әңгімелер мен шынайы қуаныш мерекесі болған кезеңін сезінуге мүмкіндік берді.

Экспозицияда тұрмыстық бұйымдар, мерекелік әшекейлер, ашықхаттар, интерьер бөлшектері мен тиындар ұсынылып, әр дәуірдегі рождестволық кездесулердің рухын айқын жеткізді. Бұл көрме ұрпақтарды біріктіретін тірі қарым-қатынастың, үй жылуы мен рухани құндылықтардың маңызын тағы бір мәрте еске салды.