Наурыз құтты болсын!
Құрметті әріптестер, ата-аналар, оқушылар!
Жуанның жіңішкеріп, жіңішкенің үзілер шағы көктемде табиғат жаңа
түлеп, қайта туғандай күйге енеді. Көктемде тіршілік біткен жаңғырады,
оянады, қыстың қары еріп, құстар жылы жақтан қайта оралады.
Шуақты көктем – талай ақынның жырына, талай суретшінің ұлы
туындысына арқау болып, сезімін тербеген мезгіл. Ол жүректі тебірентеді,
адам жанын баурайды. Ішіңнен сол бір тәтті сәтке деген қуанышты сезесің,
асыға күткендей боласың.
Олай болса, Наурыз мерекесі баршаңызға жаңа жетістіктер, молшылық
пен татулық әкелсін. Еліміз тыныш, туған жер аман болып, әр отбасында шат
көңіл, бақ-береке орнасын!
Ізгі тілекпен, мектеп әкімшілігі!
