2025 жылғы 10 желтоқсанда Павлодар қаласының № 18 мектебінің базасында жас мамандарды қолдау мен кәсіби дамытуға бағытталған мазмұнды және өнімді семинар өтті. Іс-шара мектеп мұғалімдерінің озық тәжірибесінің тұсаукесері аясында өтіп, көптеген қатысушыларды жинады.Семинарға ҰПБАО "Өрлеу' ҚГБ кафедрасының аға оқытушылары ф.ғ.кандидаты Каримова Б.Т., Мухаметалина А.А.,Павлодар қаласының білім беру бөлімінің әдіскерлері Ахметниязова А.Ж,Ильясова К.К қатысты.
«Сабақты жоспарлаудың әдістемелік негіздері: мақсаттарды айқындау және жоспарлау ерекшеліктері» семинары қазіргі заманғы білім беру процесінің теориялық негіздерін де, практикалық аспектілерін де қамтитындай етіп құрылған.
Интерактивті форматта ұйымдастырылған рефлексивті практика барысында қатысушылар семинардың практикалық маңыздылығын жоғары бағалады. Жас педагогтар ұсынылған тәжірибенің өзектілігін атап өтіп, алған білімдері мен әдістемелерін жақын арада өз тәжірибелерінде іске асыруға дайын екендіктерін білдірді.
Іс-шара № 18 мектептің педагогикалық ұжымының жоғары әдістемелік әлеуетін растай отырып, идеялармен алмасу, шабыт және кәсіби өсу үшін маңызды алаңға айналды. @