"Қазір бой жарыстыратын заман емес, ой жарыстыратын заман" деп Елбасымыз айтқандай қазіргі жаһандану заманында жас ұрпақтың жан-жақты дамуына, спортпен айналысуына ерекше көңіл бөлінеді. 2017 жылдың 9 қаңтарында Павлодар қаласы Бауыржан Момышұлы атындағы №22 жалпы орта білім беру мектебінде кәсіби шахмат үйірмесіне арналған кабинеттің салтанатты ашылуы өтті. "Шахмат - адамды жылдам ойлауға, шешім қабылдауға және қадам жасауға итермелейтін Үнді елінен бастау алатын ежелгі ойын түрі". Біздің мектебіміздегі шахмат бөлмесі заманауи жабдықталған, енді мектебіміздің әр зерек баласы алғырлықты талап ететін осы ерекше спорт түрімен айналысға мүмкіндігі бар. Шахмат кабинетінің салтанатына Білім беру бөлімінен Н.Ж. Тасыбаев және шахматтан спорт шебері Әлішер Сүлейменов қатысты. Шахмат үйірмесі кабинетінің салтанатты ашу рәсімі мектеп директоры М.К. Мамбетова және шахматтан спорт шебері Ә. Сүлейменовке берілді. Шахматтың алғашқы партиясын шахматтан спорт шебері Ә. Сүйлеменов оқушылармен жүргізді.
