Облыстық «ЭКОboom» жобасы аясында «Жақсылық жаса!» пластикалық бөтелке қақпақтарын жинау науқаны басталды. «Жалын»  балалар ұйымы  жаратылыстану онкүндігінің басталуына орай «ЭКОboom» акциясына белсенділік таныту мақсатында еріктілерден құралған үгіт насихат топтарымен бірігіп 1-11 сынып оқушыларына жобаның басты мақсатын таныстырып өтті. Сонымен қатар макулатура жинауда да елеулі үлестерін қосып отыр.Барлық жиналған пластикалық өнімдер «Клуб добряков» атты еріктілер тобына тапсырылады. Бөтелке қақпақтарынан түскен қаражат обыр ауруына шалдыққан балаларға жұмсалса, ал макулатурадан түскен қаражат панасыз қалған жануарлардың қажеттіліктеріне жұмсалады. «Жұмыла көтерген -жүк жеңіл» - демекші бәріміз бірігіп  жобаның іске асуына атсалысайық! Жоба соңында белсенділік танытқан сыныптар жүлделі орындармен марапатталады.