«Табиғат білгірлерінің турнирі» 2 Б
Бүгін, 24 қаңтар күні, бастауыш сынып апталығы аясында 2 «Б» сыныбында «Табиғат білгірлерінің турнирі» атты сыныптан тыс іс-шара өтті. Бұл іс-шараның мақсаты - табиғат әлемінің алуан түрлілігі туралы түсінік қалыптастыру, балалардың табиғат туралы білімдерін кеңейту, сөздік қорларын дамыту және байыту, табиғатты сүюге, құрметтеуге тәрбиелеу.Балалар "Марғаулар", "Қонжықтар", "Бөлтіріктер", "Қояндар" атты командаларға бөлінді.
Іс-шара барысында балалар «Жанды және жансыз табиғат білгірлері», «Өсімдік білгірлері», «Жеуге жарамды және жеуге болмайтындарды білетіндер», «Жануарлар білгіштері», «Жануарларды жинап ал» атты түрлі сайыстарға қатысты, өсімдіктер туралы жұмбақтар тапты. Шара қорытындысы бойынша «Марғаулар» командасы жеңіске жетті. Барлық оқушылар «Айналаңдағы дүниенің білгірлері» медальдарымен марапатталды.
