Наурыз мейрамын №31 мектеппедагогикалықұжымы Ленин кентінің  тұрғындарымен бірге өткізді. Мереке өте тартымды өтті. Наурыз – күн мен түннің теңеліп, табиғат түлеп жаңарған уақыт. Наурыз тойын тойлауға оқушылар, мұғалімдер, ардагерлер, әжелер белсене қатысты. Киіз үйдің іші – сырты ұлттық нақышпен ерекше көркемделіп, шын мәніндегі ауыл бейнесін көрсетіп тұрды. Мақажанова Айым әженің қолөнер көрмесі, оқушылар мен мұғалімдердің тоқыма моншақтан жасалған бұйымдары, оригами көрмесі киіз үйдің ерекше ажарын ашты. Ұлттық киімдегі үкілі қыздар жиналғандарға наурыз көже  құйды. Дастарханнан дәм татып, самауырдан шай ішем деушілерге киіз үйдің есігі үнемі ашық болды. Мерекенің басынан аяғына дейін ән мен күй тоқталған жоқ. № 31 мектеп ұжымының қонақжайлығына кент тұрғындары дән риза болды.