Бүгін мектебімізде оқушыларға арналған ерекше тәрбиелік мәні зор дәріс ұйымдастырылды.
Іс-шараның басты мақсаты – өскелең ұрпақтың бойында Қазақстан Республикасының Мемлекеттік рәміздеріне деген құрмет пен мақтаныш сезімін қалыптастыру, елжандылық қасиеттерін арттыру.
Дәріс барысында оқушылар Қазақстан Республикасының Туы, Қазақстан Республикасының Елтаңбасы және Қазақстан Республикасының Әнұранының тарихымен, олардың мағынасы мен авторларымен танысты. Мемлекеттік рәміздердің әрбір элементі терең мәнге ие екені түсіндіріліп, олардың ел тәуелсіздігінің басты нышандары екені атап өтілді.
Осындай тағылымды шаралар жас ұрпақтың патриоттық рухын күшейтіп, Отанға деген сүйіспеншілігін арттырары сөзсіз.
Еліміздің көк байрағы әрдайым биікте желбірей берсін!