Қыркүйек айының 26-30 күндері аралығында біздің мектепте бастауыш сыныптар арасында «Менің алғашқы ұстазым» атты көрме ұйымдастырылды. Сурет көрмесіне бастауыш сынып оқушыларының көпшілігі қатысты. Оқушылардың суреттері бірінен-бірі ерекшеленіп, көзге түсті. Әрине, әр оқушыға өзінің алғашқы ұстазы ең сүйкімді келеді. Сондықтан балалардың арнаулы суреттерін салыстыруға да болмайды. Біздің мектепте мұғалімдердің көпшілігі әйелдер болса керек, бірақ арамызда жас ұстаз жігітіміз де бар. Сірә, болашақта ұлдар да ұстаздық етуге ұмтылатын шығар! Құрметті ұстаздар! Төл мерекелеріңізд құтты болсын! Еңбектеріңіздің жемісін көріп, атқарып жатқан қызметтеріңізде құрметті де, қадірлі болып қала беріңіздер!