2015 жылғы 4 қарашада Павлодар қаласының № 40 жалпы орта білім беру мектебінде «Сыныптан тыс жұмыста жаңа қазақстандық патриотизмді қалыптастыру: инновациялық әдістер мен технологиялар» атты семинар өткізілді. Аталған шараға облыс, қала мектептерінен 60-тан астам директордың тәрбие ісі жөніндегі орынбасарлары, Павлодар қаласы білім беру бөлімі мамандары, Павлодар облысы білім беруді және тәрбиені дамытудың инновациялық орталығынан өкілдер, КАЗБАТ жауынгерлері, ауған соғысы жауынгерлері, Чернобыль апатын жоюға қатысушылар, Павлодар қаласының № 5512 әскери бөлімі қызметкерлері және ата-аналар қоғамдастығы қатысты. Семинар ағымдағы жылдың айтулы күндеріне арналды: Қазақ хандығының 550 жылдығы, Қазақстан Республикасы Конституциясының 20 жылдығы, Қазақстан халықтары Кіші Ассамблеясының 20 жылдығы. Семинар аясында мектептің бас сахнасында үйірмелер шеруін көрсету арқылы 12 сыныптан тыс шара ұйымдастырылды. Үйірме жетекшілері инновациялық технологияларды ұтымды қолдана білді: интерактивті тақталар, ноутбуктер, оқытудың үш тілділік және көп тілділік элементтері.