«Абай оқулары»
Павлодар қаласының № 40 орта жалпы білім беру мектебінде 5-8 сынып оқушылары арасында мектепішілік Абай оқулары өткізілді. Мақсаты: Өзге ұлт өкілдері арасында қазақтың дана ақыны, дара ақыны, ұлы ақыны Абай Құнанбайұлының өлеңдері мен әндерінің ешқашан да санамыздан өшпейтіндігін көрсетіп, еңбектерінің құндылығын, көркемдігін дәріптеу, насихаттау.Байқау 3 кезең бойынша өткізілді. 1-кезең: "Өлең сөздің патшасы – сөз сарасы " номинациясы бойынша Абайдың өлеңдерін мәнерлеп жатқа оқу. 2-кезең: "Абайдың әндері" Абай әндерін орындау. 3-кезең: "Абайға арнау" Абайға арнау өлеңдерін орындау. Байқауға 5-8 сынып оқушылары белсенді қатысты. Нәтижесінде " Өлең сөздің патшасы – сөз сарасы " номинациясы бойынша 5- сынып оқушысы Сәкей Нұрмахамбет І орын, ІІ орын Қайырбай Айым, "Абайдың қарасөздері" номинациясы бойынша 6 - сынып оқушысы Кабиденова Алина , "Абайға арнау" номинациясы бойынша 6- сынып оқушысы Ибраимова Дильназ жақсы нәтиже көрсетті , қалған қатысушылар 1,2,3 орындармен әр номинация бойынша марапатталды. Қалалық сайысқа Қабыкен Мөлдір мен Бақытбол Ақбота жолдама алды.
