Әдеттегідей желтоқсан айында тарихи құнды мерекеміз «Тәуелсіздік күні»-мен қатар бүлдіршіндердің жыл бойы күткен жаңа жыл мерекесі де қазақ сыныптар арасында көңілді, қызықты өтті. Жүсіпбек Аймауытов театрынан арнайы шақыртумен келген

әртістер іс-шараның мағыналы да мәнді, оқушы есіне қаларлықтай өткізілуіне үлес қосты. Қашанда үлкеннен кішіге дейін жалықтырмайтын сайқымазақ, асыға күткен Аяз ата, жағымсыз кейіпкердегі қасқыр , жағымды кейіпкердегі аю келген қонақтарды да . бүлдіршіндерді де жалықтырмады. Түрлі кино кейіпкерлері, ұлт өкілдері, ертегі кейіпкерлерінің бейнесін сомдаған оқушылардың бұл шараға барынша дайындалғаны көрініп тұр. Шыршаны айнала әсем ән айтылып, би биленді, өлеңдер айтылып Аяз ата сыйлығын алған оқушылар да көп болды. Жаңа жыл кейіпкері «Қоян» келгенде олардың қуанышында шек болмады. Қызыққа толы думанды ертеңгілік көңілді би кешімен аяқталды. Келер жылы, еліміздің тыныштығы осы бүлдіршіндердің таза кіршіксіз күлкісіндей жайнап, мектебіміз биіктен көрінуін тілейміз!

Бастауыш сынып пән бірлестігі