Павлодар қаласының үздік оқушылары
Павлодарда биылғы оқу жылында олимпиадалар мен зияткерлік байқауларда ерекше көзге түскен үздік оқушыларға құрмет көрсетілді. Құттықтау сөзінде қала әкімі Әнуар Күмпекеев ең алдымен педагогтардың жетістіктерін атап өтті,олардың еңбектерінің арқасында дарынды оқушылар осындай биіктерге қол жеткізді. Барлығы 48 оқушы жиналды, оның ішінде біздің 11 сынып оқушысы Дунаев Михаил.
Ол «Тактильді қолғап – Кеңістіктегі бағдарлау» атты жобаны әзірлеп, республикалық ғылыми жобалар байқауында бірінші орынға ие болды. Миша қала әкімінің грамотасымен марапатталды. Сонымен қатар, робототехника үйірмесінің жетекшісі Бачиев Руслан Валентинович алғыс хатпен марапатталды.
