Сабаққа дайындалу үшін оқушылар интернет-ресурстарды жиі қолданатындығына қарамастан, кітапхана әрқашан білім мен даналықтың қазынасы болып қала береді. 9 наурызда  «Оқуға құштар – мектеп» жобасы аясында №41 мектептің кітапханашылары мен 10 «А» сынып оқушылары Сұлтанмахмұт Торайғыров атындағы облыстық кітапханаға барды. Биыл кітапханаға 125 жыл толды, өзінің ұзақ тарихында ол әмбебап қоры 500 мың данадан астам кітап қазынасына айналды.Экскурсия барысында оқушылар облыстық кітапхана - бұл ақпараттық және сервистік қызметтердің, электрондық каталогтардың, интернетке қолжетімділіктің, алыстағы мәліметтер базасының, кітаптардың, мультимедиялық басылымдардың, газеттер мен журналдардың бай топтамаларының  тұтас спектрі бар заманауи  ақпараттық мекеме  екенін білді. Бірақ  қазір кітапхана тек оқу және  ақпарат алу  кеңістігіне ғана  емес, сонымен  бірге  байланыс орнына  да айналуда. Кітапхана негізінде пікірталас клубтары, тақырыптық студиялар жұмыс істейді, зияткерлік ойындар  мен шеберлік  сыныптары өткізіледі. Экскурсияны кітапхананың кітап сақтау бөлімінің меңгерушісі Марина Леонтьевна Гончарова жүргізді.