Сенім телефоны
87182500331
email: 41scool@mail.ru
Мекенжайы: Малайсары батыр көшесі, 41
50-03-37, 50-03-30, 50-03-28, 8-(7182)-52-00-12, 50-03-31
Білім бөлімінің басты бетіне қайту
Азаматтарды жеке қабылдау кестесі:
Дүйсенбі 15:00-18:00 Сәрсенбі 15:00-18:00 Сенбі 10:00-14:00
Что ты делаешь, чтобы быть здоровым?
Голосовать
занимаюсь физкультурой; - 62
периодически прохожу медосмотр; - 40
ничего не делаю; - 32
добродушно отношусь к окружающим; - 16
правильно питаюсь; - 15
соблюдаю режим дня; - 9
закаляюсь; - 3
изучаю познавательную литературу; - 2
Всего проголосовало: 179
Смотреть результат
Бір жылда2810938
Бір айда132456
Бір аптада22918
Кеше1669
Тәулік315
2020 жыл «Бір ел – бір кітап» республикалық акциясы

VFL.RU - ваш фотохостинг

ҚР Ұлттық академиялық кітапханасы мен ҚР Кітапхана қауымдастығының бастамасымен, сондай – ақ  ҚР Мәдениет және ақпарат министрлігінің қолдауымен 2007 жылдан бастап Қазақстанда "Бір ел-бір кітап" кең ауқымды республикалық акциясы өтуде.

Республикалық акцияның мақсаты-қазақ әдебиетін насихаттау, қоғамның кітап оқуға деген қызығушылығын арттыру, Қазақстанның әдеби мұрасын зерттеуге деген қызығушылықты дамыту, өскелең ұрпақтың зияткерлік — рухани дамуы, ана тілі мен мәдениетіне ұқыпты қарау, жастарға адамгершілік, патриоттық тәрбие беру.

Әдеби акция Қазақстанда  14-ші рет өтіп отыр. "Бір ел – бір кітап" республикалық акциясы тарихында алғаш рет 2020 жылы  бүкілхалықтық оқу үшін екі кітап таңдалды:

VFL.RU - ваш фотохостинг

  • Мұхтар Әуезов  – «Абай жолы»
  • Әнуар Әлімжанов – «Ұстаздың оралуы»

Құрметті кітапхана оқырмандары !

Біз Сіздерді  2020 жылғы "Бір ел – бір кітап"  республикалық акциясына енген жазушылардың шығармашылығымен таныстырамыз:

VFL.RU - ваш фотохостинг

Өмірбаяндық анықтамалық: Мұхтар Әуезов қазіргі Шығыс Қазақстан облысы Абай ауданындағы Бөрілі деген жерде 1897 жылы 28 қыркүйекте дүниеге келген. Әкесі Омархан мен атасы Әуез екеуі де хат танитын сауатты адам болған. Өз заманында ұлы Абаймен сырлас, ауылдары іргелес, аралас-құралас тіршілік кешкен. Бала Мұхтардың атасы Әуез – Құнанбайдың кіші әйелі Нұрғанымның туған інісі. Абайдың өлеңдерін зор ықыласпен тыңдап, қағаз бетіне түскен тың туындыларымен танысып, пікір алмасатын жақын адамдарының бірі болған. Мұхтардың бала кезінен Абай мұрасына қызығушылығын оятқан да осы атасы еді.

Он бір жасында  Мұхтар жетім қалады.Осыдан кейін Мұхтар ауылдан қалаға немере ағасы Қасымбектің тәрбиесіне көшеді. Өз заманында Әуезов білімдар қазақтардың бірі болды. Алдымен, Семейдегі орыс гимназиясында бес жыл, мұғалімдер даярлайтын семинарияда төрт жыл оқиды.1919 жылы семинарияны тәмамдап, қоғамдық-саяси жұмысқа белсене араласады. 1922 жылы күзде Ташкенттегі Орта Азия университетіне оқуға түсіп, "Шолпан" және "Сана" журналдарына жұмысқа орналасады. Жазушының "Қыр суреттері", "Қыр әңгімелері", "Үйлену", "Оқыған азамат", "Кім кінәлі", "Заман еркесі" әңгімелері осы басылымдарда жарық көрген. 1923 жылы маусым айында Ленинград мемлекеттік университетінің тіл-әдебиет бөліміне түседі. 1928 жылы Орта Азия мемлекеттік университетінің аспирантурасына қабылданды. Бұдан бөлек Қазақ ағарту институтында сабақ берді. 1934-1961 жылдары әл-Фараби атындағы Қазақ мемлекеттік университетінде ұстаздық қызмет атқарды.

Қазақтың заңғар жазушысы артына мол әрі бай мұра қалдырды. Елдің оқу-ағарту ісіне, драматургия саласына сіңірген еңбегі ұшан-теңіз.20 жасында Әуезов өзінің тұңғыш көлемді туындысы "Еңлік-Кебекті" жазды. Әуезовтің қаламынан отыздан аса драмалық шығарма туды.

Әуезовтің шығармашылығында "Абай жолы" романының орны бөлек. Әуезов Абайдай ұлт мақтанышын дүниежүзіне танытқан қаламы қарымды қаламгер. Әуезов өзінің роман-эпопеясында қазақ халқын, оның ұлттық дәстүрін барлық қырынан энциклопедиялық деңгейде жан-жақты ашып көрсетті. Әуезовтің "Абай жолы" роман-эпопеясы әлемдік деңгейде "ХX ғасырдағы ең үздік шығармалардың бірі" (Луи Арагон) деген жоғары бағаға ие болды.Әуезовтің "Абай жолы" эпопеясын жазуға 30 жыл уақыты кетті. Он тоғыз жасынан Абай туралы жазуды ойға алып, 17 жыл үздіксіз ізденіп, 12  жыл ішінде жазып шықты. Әуезов алғашқыда екі кітаптан тұратын "Абай" (1942, 1947), одан кейін мұның жалғасы ретінде "Абай жолы" (бұл да екі кітаптан тұратын, 1952, 1956) романын жазды. Осы төрт томнан тұратын "Абай жолында" қазақ қоғамының алуан түрлі топтары кең қамтылып, сан қырлы тұтас галерея жасалды.

Алғашқы екі кітаптан тұратын "Абай" романы үшін жазушыға 1949 жылы КСРО мемлекеттік сыйлығы табысталды. Ал төрт томдық "Абай жолы" роман-эпопеясы басылып шыққаннан кейін, 1959 жылы Лениндік сыйлықтың лауреаты атанды. Кейіннен роман-эпопея бірнеше тілге аударылды.Соғыстан кейін жазушы Қазақ Республикасы ғылым академиясының президиумына кірді. Оның "Абай" романы орыс және чех тілдеріне аударылды. 1947 жылы эпопеяның екінші бөлімі жарық көрді. Осы еңбегі үшін Әуезов Сталин сыйлығын иеленді.Жазушы 1961 жылы 27 маусымда Мәскеу қаласындағы ауруханада операция кезінде қайтыс болды. Алматы қаласында жерленген.

 

VFL.RU - ваш фотохостинг

Өмірбаяндық анықтамалық: Әлімжанов Әнуар– (1930–1993) 12 мамырда бұрынғы Талдықорған облысы, Сарқанд ауданындағы Қарлығаш ауылында туған. Алдымен шешеден, 1941 жылы әкеден жетім қалған ол интернатта, балалар үйінде тәрбиеленіп, білім алған.

1949 жылы Лепсі педагогика училищесін, 1954 жылы Қазақ мемлекеттік университетінің журналистика бөлімін бітірген. Жазушы өзінің журналистік қызметін облыстық «АлмаАтинская правда» газетінен бастаған.

1955 жылы наурыз айынан бастап «Литературная газетаның» Қазақстан бойынша меншікті тілшісі, кейінірек «Ленинская смена» газеті редакторының орынбасары, Қазақстан және Қырғызстан республикалары бойынша «Правда» газетінің тілшісі, «Қазақфильм» студиясының Бас редакторы, «Қазақ әдебиеті» газетінің Бас редакторы, Қазақстан Жазушылар одағы басқармасының бірінші хатшысы, республикалық тарихи ескерткіштер мен мәдениетті қорғау жөніндегі Қазақ қоғамы Орталық кеңесі президиумының төрағасы, КСРО Жоғарғы Кеңесі Ұлттар Кеңесінің төрағасы қызметтерін атқарды.

Жазушы Азия және Африка елдері жазушыларымен байланыс жөніндегі комитеттің, Африка халықтарымен достықтың Қазақ Ассоциациясы Президиумының, Африка халықтарымен достықтың Ассоциациясы Басқармасының мүшесі, Қазақ КСР және КСРО Жоғарғы Кеңестерінің депутаты болды.

Қазақстан Ленин комсомолы сыйлығының, Қазақ КСР Мемлекеттік сыйлығының, Халықаралық Дж. Неру атындағы сыйлықтың лауреаты. «Құрмет Белгісі», Халықтар Достығы ордендерімен марапатталған. Қазақстанның Халық жазушысы.

Шығармалары:

 

  • Белый друг, желтый друг, черный друг. Очерк. А., ҚМКӘБ, 1958;
  • Когда встречаются друзья. Очерк и рассказы, А., ҚМКӘБ, 1959;
  • Вечные корни. Очерки и рассказы, А., ҚМКӘБ, 1960;
  • Пятьдесят тысяч миль по воде и суши. Очерки и рассказы. А., ҚМКӘБ, 1962;
  • Пылающее копье. Очерки и рассказы. А., «Жазушы», 1976;
  • Караван идет к солнцу. Повесть, А., ҚМКӘБ, 1963;
  • Синие горы. Повесть. А., ҚМКӘБ, 1964;
  • Сувенир из Отырара. Повесть А., «Жазушы», 1966;
  • «Мость Карасункара». Повесть. А., «Жазушы», 1969;
  • Стрела Махамбета. Роман. А., «Жазушы», 1969;
  • Гонец. Роман. А., «Жазушы», 1974;
  • Возвращение учителя. Роман. А., «Жазушы», 1978;
  • Избранные в 2х томах. А., «Жазушы», 1979;
  • Көгілдір таулар. Повестер. А., «Жалын», 1982;
  • Дороги людей. Роман. М., «Советский писатель», 1984.