«Балалар кітапханасы» республикалық жобасы аясында «Мушәйра» үйірмесінің жетекшісі Бузаубаева А.А. 3-сынып оқушыларымен «Асыл әжемнің жұмбағы» атты тәрбие сағатын өткізді. Іс-шараның мақсаты – балаларды өз халқының салт-дәстүрімен, мәдениетімен таныстыру, олардың шығармашылық қабілеттерін, логикалық ойлауын дамыту. Шара барысында балалар жұмбақтар шешіп, халықтық салт-дәстүрге байланысты ойындар ойнады, сонымен қатар қазақ мәдениеті туралы көп мағлұмат алды. Кейбір сөздер мен сөз тіркестерінің мағынасын және күнделікті өмірде қалай қолданылатынын білді. Іс-шара достық және көңілді атмосферада өтті, балалар көптеген жағымды эмоциялар мен жаңа білім алды.