2026 жылғы 28 сәуір күні «Таза Қазақстан» республикалық экологиялық акциясы аясында мектебіміздің 11-сынып оқушылары «Түлек ағаш отырғызады» эко-челленджіне белсене қатысты. Іс-шараның басты мақсаты – оқушылардың туған жерге деген сүйіспеншілігін арттыру, экологиялық мәдениетті қалыптастыру және қоршаған ортаны қорғауға деген жауапкершілікті нығайту. Аталған акцияға мектебіміздің түлектері белсенді қатысып, облыс әкімімен бірге ағаш отырғызды. Оқушылар мектеп ауласын көгалдандыруға өз үлестерін қосып, табиғатты аялаудың маңыздылығын іс жүзінде көрсетті. Бұл шара жас ұрпақ үшін тек экологиялық бастама ғана емес, сонымен қатар бірлік пен жауапкершіліктің, туған жерге деген сүйіспеншіліктің жарқын көрінісіне айналды.