Көптілді оқыту білім берудің қоршаған әлемде болып жатқан үдемелі өзгерістерге бейімделгіштігін күшейтетін, бәсекеге қабілетті жас жеткіншектердің қалыптасуына септігін тигізетін үрдіс. Осы орайда физика, информатика, химия, биология пәндерін үш тілде (қазақ, орыс, ағылшын) бірдей оқыту мектебімізде қолға алынған. Көптілді оқыту жаратылыстану бағытындағы пәндер болғандықтан МИФ декадасының 26 қаңтар күні мектебіміздің мұғалімдеріне «ЖМБ пәндерін ағылшын тілінде оқытудың тиімді әдістері» тақырыбында мастер-класс өтті. Өткізген информатика пәні мұғалімі Шакирова Айгерим Суиндыковна, физика пәні мұғалімдері Асенова Айжан Оралшаевна және Асқар Толғанай Аманкелдіқызы. Аталған ұстаздар шығармашылықпен жұмыс істейтін мұғалімдердің қызметінде пайдалануына негізделген “Электронды оқулық арқылы көптілді тұлғаның функционалдық сауаттылығын қалыптастыру” тақырыбы бойынша өз еңбектерін таңыстырып, тәжірибелерімен бөлісті.