Ұлыстың ұлы күні Наурыз мерекесі аясында ұйымдастырылған, «Ақ бата» акциясын жалғастырамыз. Бата – халық қазынасы. Бата айтылатын үйден ырыс-несібе, береке кеткен емес. Салт-дәстүрлердің ішіндегі ең асылы, көңілдің сәнін келтіріп, өмірдің мәнін ұғындыратын рухани құндылығымыз. Оны кез-келген адам айта бермейді. Абыз ақсақалдар мен қариялардың батасын алу жақсылыққа бағаланады. Күні бүгінге дейін жалғасып келе жатқан ақ бата берудің, алғыс айтудың жас ұрпақты кішілік пен кісілікке тәрбиелеуде мәні зор. Жаңбырменен жер көгерер, батаменен ел көгерер! Қариясы бар үйдің – қазынасы бар! Аталарымыздың, әжелеріміздің ақ батасын алуға асығайық!