27 сәуір күні Иса Байзақов атындағы облыстық филармонияның концерт залында «StarLight» жобасы аясында гала-концерт өтті.

Филармония Қазақстан Республикасының Президенті жариялаған балалар жылына бірнеше айтулы жобаларды арнады, соның бірі – «StarLight» таланттар шоуы. Оған филармония әртістері мен Павлодар қаласының балалар музыка мектебінің оқушылары қатысты.

Жобаның мақсаты мен міндеттері: дарынды балаларға қолдау көрсету, олардың шығармашылық қабілеттерін ашу және дамыту, ұрпақтар сабақтастығы идеясын дамыту.

Қатысушыларды іріктеу ақпан айынан басталды. Содан кейін гала-концертке дайындық басталды. Концерт залының сахнасында көрермендер балалар мен камералық хор әртістерінің, симфониялық, джаз оркестрлерінің, қазақ ұлттық аспаптар оркестрінің, «Ретро» вокалдық ансамблінің, «Самиян» вокалдық тобының, жеке орындаушылардың бірлескен өнерін тамашалады. Вокалдық және аспаптық дуэттер, трио, ансамбльдер орындалды.