2016 жылғы 7 желтоқсанда Павлодар қаласы Құрманғазы атындағы № 1 балалар музыка мектебінің жеке ән айту және ансамбльмен айту бөлімінде «Туған жерім - ән өлкем» конкурсы өтті. Конкурсқа бөлімнің 15 оқушысы қатысты. Қатысушылар конкурсқа шығармашылықпен дайындалды. Жарқын костюмдер, туған жер, әлем, мейірім мен әдемілік туралы көңіл толқытар әндерді орындау, туған елдің тарихы мен мәдениетін білу залда бірліктің бар екенін байқатты. Жан-жақты қазылар алқасы конкурсанттардың музыкалық деңгейін, дыбыс сапасы, тембр әдемілігі, образды шығармашылықпен көрсеу, ел тарихын білу деңгейін бағалады. Конкурстың қорытындылары бойынша: І орында - Досанова Дина, Жунусова Аделя, ІІ орында - Рудик Яна, Лосева Дарья, вокал триосы - Новосельцев Роман, Келден Әлихан және Ляхов Артем, ІІІ орында - Каркада Анастасия, Бекімұрат Әділ, Скорикова Мария, Кузьмина Влада. Барлық қатысушылар, конкурс жеңімпаздары грамоталар және тәтті сыйлықтармен марапатталды.