Құрманғазы атындағы № 1 балалар музыка мектебінің оқушылары Шарбақты ауылында өткен Шахимардан Абиловтың жүлдесіне арналған аймақаралық вокал конкурсынан жеңіспен оралды. Конкурсқа Павлодар облысы балалар музыка мектептері және балалар өнер мектептері мен РФ Алтай өлкесінің шекаралас аудандарының оқушылары қатысты. Конкурстың басты мақсаты – балалар вокал өнерін қолдау және дамыту, вокал мәдениетінің дәстүрін насихаттау және сақтау, талантты орындаушыларды, педагогтарды анықтау, олардың шығармашылық белсенділігін ынталандыру, патриоттық әндердің үздік үлгілерін насихаттау. Конкурс үш номинация бойынша үш жас топтарында өтті (академиялық вокал, эстрада вокалы, вокал ансамблі). 50-ден аса дарынды бала өздерінің вокалдық шеберліктерін, әртістік, ерекше дарындылықтарын көрсетуге мүмкіндік алды. Конкурсанттардың әрқайсысы түрлі сипаттағы екі шығармадан орындады, олардың бірі – Қазақстан туралы ән немесе Қазақстанның астанасы туралы ән. ҚР еңбек сіңірген әртісі, мемлекеттік сыйлықтың лауреаты, Абай атындағы мемлекеттік академиялық опера және балет театрының жеке орындаушысы, халықаралық шығармашылық академиясының академигі, Құрманғазы атындағы қазақ ұлттық консерваторияның профессоры Ш.К. Абилов бастаған құзіретті қазылар алқасы әр конкурсанттың көрсеткен өнерін келесі критерийлер бойынша бағалады: саздылығы, шығарманы көркем жеткізу, дауыс ырғағының тазалығы, үн сапасы, тембр әдемілігі және дауыс күші. Екі күндік конкурста тамаша жайлылық сезілді. Қонақжай күтіп алушылар әр қатысушының көңілінен шығуға тырысып бақты. Іс-шараны сауатты ұйымдастыру, кәсіби техникалық жарықтандыру, қолайлы жағдай – мұның барлығы шығармашылықты құруға, конкурсанттардың бірігуіне мүмкіндік берді. Іс-шара аяқталғаннан кейін дөңгелек үстел өтті, оның барысында қазылар алқасының мүшелері және педагогтар конкурсанттардың өнерлерін талқылап, іс-шараның жоғары деңгейде өткенін атап өтті. Конкурстың жабылу салтанатында жеңімпаздар дипломдар және кубоктармен марапатталған болатын. Жеңімпаздарымызды шын жүректен құттықтаймыз: II орын Дария Бекен (академиялық) - педагог Наталья Георгиевна Кабурнеева, сүйемелдеушісі Қасқырбаева Гаухар Макенқызы IIІ орын Айгерим Исханова (эстрада) - педагог Наталья Георгиевна Кабурнеева