1 маусымда Павлодар қаласының Құрманғазы атындағы №1 Балалар музыка мектебінде Балаларды қорғау күніне арналған есеп беру концерті өтті. Оған мектептің оқушылары мен ұжымы қатысты. Халықаралық Балаларды қорғау күні – ол әрқашан ашық, жарқын және қуанышты күн. Түрлі-түсті шарлар, әсем әрленген зал, балалардың шатты күлкісі – барлығы да көңілді атмосфера мен мерекелік көңіл күй орнатты. Кешті «Кербез» (жет. Г.А. Абжанова) домбырашылар ансамблі ашты. Оның орындауында С.Бейсеновтің «Қолбасшы» шығармасы орындалды. Жазғы көңіл күй, туған жерге деген махаббат туралы шығармаларымен, жетістіктер тілеген тілектерімен орта сынып хоры шықты (жет. К.В. Миронец). Жарқыраған калейдоскоп тәрізді, барлық музыкалық нөмірлер түрлілігімен және қырлылығымен айрықшаланды: домбыраның терең, барқыт үні саксофонның нәзік үніне, орыс халық аспаптары оркестірінің және бөлім педагогтары ансамбілінің жүректен шыққан үні – қобыздың және рояльдің әсерлі үніне, күшті және хормен бірге айтқан – балалардың ұшқан дауысына ауысты. Концертке келген көрермендер сүйсінгендерін жасырмай, үрмелі аспаптар оркестірінің орындушылықтарын тыңдады (жет. Е.М. Лысова). Олардың орындауында белгілі Перси Мэйфилдің «Hit the road Jack» композициясы болды. Кештің соңында қосынды қазақ халық аспаптары оркестірі (жет. Қ.М. Ермекбаев, Н.Б. Қайшанов) М.Құсайыновтың «Мереке», Ж. Еңсеповтің «Балбұлақ» шығармаларын орындады. Есеп беру концерті Балтабек Қаппасовтың көңілді орындаушылығымен аяқталды. Оның орындауында оркестірмен Жаяу Мұсаның «Ақ сиса» шығармасы болды. Жыл өткен сайын жаздың алғашқы күні, әлемнің барлық үлкендері мен біздерді балаларымызға әр минут сайын, әр сағат сайын қамқор болуға шақырады. Өйткені олар – біздің болашағымыз, ал бақытты балалар – ол бақытты болашақ!