2017 жылғы 28 наурыздан 3 сәуір аралығында Минск қаласында "Новые вершины" халықаралық фестиваль конкурсы өтті. Бұл конкурсқа 6 елден: Белоруссия, Украина, Ресей, Қазақстан, Польша, Египеттен 4000 оқушы қатысты.
Біздің еліміздің намысын Павлодар қаласының Құрманғазы атындағы № 1 балалар музыка мектебінен Полина Петрова қорғады. Полина үш музыкалық номинацияда өнер көрсетті: 10-12 жас ерекшеліктегі академиялық вокал, эстрадалық вокал және ұлттық вокал. Полина әр номинациядан жүлделі орындарды иеленді. Академиялық және ұлттық вокал – І орын, эстрадалық вокал – ІІ орын. Гала-концертте, марапаттау өтіп жатқанда Полинаның сахнаға шығып, барлық вокал жанрында марапат алғанына барлығы таңқалды.
Әр елден келген қазылар алқасының өкілдері біздің конкурсқа қатысушымызға жылы лебіздерін білдіріп, педагог Олеся Николаевна Скорикова және концертмейстер Ирина Борисовна Петроваға алғыстарын білдірді.
Полина үшін бұл бірінші халықаралық конкурс емес. Бұған дейін Чебоксары қаласында "На крыльях таланта" халықаралық конкурста, Мәскеу қаласында "Поклонимся великим тем годам" интернет конкурсы, Пицунда қаласында (Абхазия) "Когда мы вместе" конкурс-фестиваль, Барнаул қаласында "Сибирские беседы" және "Синяя птица" конкурс-фестивалінде жеңістері болған. Жоғарыда аталған әр конкурста Полина лауреат атанды.