Павлодар қаласының Құрманғазы атындағы № 1 балалар музыка мектебінде 1 маусымнан оқушылардың концерттік тәжірибесі басталды. Жалпы тақырыппен біріктірілген концерттік бағдарламалар қызығушылық туғызып, біліммен нәрлендіріп, оқушыларды, педагогтар мен ата-аналарды жұмылдырады. Осындай өнер көрсетулер тағы бір, бәлкім ең маңызды мақсатқа жету: тыңдарманмен өз білімімен, қабілетімен, көңіл-күйімен, ерекше музыка өнері сыйлайтын барлық сезіммен бөлісу мүмкіндігін береді.
Біздің мектепке Қарағанды облысы Шахтинск қаласы № 1 балалар музыка мектебінің педагогтары (Олег Николаевич Федоров, Ольга Викторовна Вайландт) мен оқушылары достық сапармен келді. Қонақтардың өнер көрсетуі мектептің үрмелі бөлімі концертінің ерекше сәнін келтірді.
Н.Тлендиевтің «Сарыжайлау», қазақ әндері тақырыбына попурри, «И это все о нем» кинофильмдегі музыка, «Пальцы Руди» В.Керм, «Скерцо» Б.Асафьев, «Черный кот» Ю.Саульский туындылары шырқалып, үрмелі аспаптар ансамблі Boney M тобының репертуарынан «Sunny» туындысын орындады.
Концерттен кейін шеберлік сағаты өтіп, педагогтар мен оқушылар арасында қызықты шығармашылық әңгімелесу өтті.