Павлодар қаласының Құрманғазы атындағы № 1 балалар музыка мектебінің тәрбиеленушілері 2017 жылғы 22 қазанда Виктор Петрович Денисенконың 70-жылдығына арналған «Музыкалық колледж-дарынды балаларға арналған музыкалық мектеп-интернат» кешенінің концерттік бағдарламасына қатысты.
Мерейтой иесі үшін музыкалық мектеп жас шығармашылық ұжымының «Матрешки» әнін орындауы тосын сый болды. Зал және мерейтой иесінің өзі ду қол шапалақпен жас әртістерді шығарып салды. «Залда дарынды музыкант, басшы және педагогқа деген ертегідегідей махаббат және алғыс атмосферасы қалыптасты. Бұл кішкентай, бірақ жарқын сыйлықты Виктор Петрович үшін шынайы және ізгі ниетпен арнадық», - дейді мектеп директоры Ольга Леонидовна Бобровская.
Мектеп және музыкалық колледжі оқушылардың үздіксіз білім алуы, педагогтар тәжірибесінің алмасуы мен біліктілігін арттыру, іс-шараларды әзірлеу және өткізу мәселелері бойынша тығыз қарым-қатынас жасайды. Соңғы үш жыл ішінде мектепте колледжде музыкалық білім алған 36 педагог жұмыс жасайды.