Педагог қызметкерлерінің тамыздық конференция шеңберінде 2019 жылы 22 тамызда Павлодар қаласының Балалар музыка мектебінде қосымша білім беру педагогтерінің «Білім беру мазмұнының жаңартылу талаптарында білім беруді ұйымдастырудатәрбиелік жүйені басқарудың жаңа тәсілдері» тақырыбында секциясы болды.

 Секция жұмысына 80 педагог қатысты. Павлодар қаласының Балалар музыка мектебінің басшысы м.а. Ольга Леонидовна Бобровская  конференция қатысушыларына құттықтау сөз сөйледі. 7 ашық сабақ пен баяндамалар тыңдалып, талқыланды. Музыкант-педагогтар өздерінің тәжірибелерін ұсынып, музыкалық білім берудегі мақсаттар мен міндеттерді қайта қарау мәселелерін талқыға салды. Мектептің тәжірибеліпедагогтері Камкина Светлана Степановна, Кайшанов Нурлан Бакытович, ЗахарчукНаталья Викторовна атқарылған жұмыстарымен бөлісті. Баяндамаларын оқып болған соң вокал класы бойынша педагог Исаева Дария Мухамед-Канапияновна,  домбыра класы бойынша педагог Корабаева Жулдыз Рашитовна, гитара класы бойынша педагог Сотников Владимир Николаевич, Павлодар қаласының білім беру бөлімі мақтау қағаздарымен марапатталды.

Мектеп педагогтерінің кездесуі тәжірибелі-бағдарлы сипатта болды.  

Музыкалық білім берудегі мәселелерді шешу мүмкіндіктері, музыка мектебіндегі тәрбие жүйесінің жаңа тәсілдері талқыға салынды.