1 қыркүйек күні Павлодар қаласының балалар музыка мектебі өзінің ынтымақты отбасына бірінші сыныптықтар мен дайындық тобындағыларды қабылдап жас талантты музыканттарға өз есіктерін айқара ашты.

Балалар мен олардың ата-аналары толғаныспен еліктіргіш таңғажайып музыка әлеміне кіре отыра, мектеп табалдырығын аттады. Дәстүрлі «Білім күні» мейрамы «Саналы ұрпақ - жарқын болашақ» атауымен өтті. Мерекелі концертті халықаралық конкурсының лауреаты «Серпин» домбырашылар ансамблінің жетекшісі Гаухар Арғынқызы Абжанова ашты, олардың орындауында Динаның «Науаи» күйі шырқалды.  Мерекелік концерттің әр номері жас музыканттарды түрлі музыкалық аспаптармен таныстырды. Сахнадан рояль мен баянның, гитара шегінің құбылуы мен домбыраның өткір дыбыстары естілді. Жетекшісі Дарига Болатқызы Аллахвердиева «Колибри» эстетикалық тобының орындауындағы «Шалунишки» әні жарқын шырқалды.

Мектеп құрамын 6 жастан 17 жасқа дейінгі жас аралығындағы 1100 балалар құрайды. Конкурстық негізде 317 қатысушылар қабылданды. Балаларды оқыту 18 мамандық бойынша жүргізіледі (фортепиано, синтезатор, скрипка, виолончель, домбыра, қобыз, жетіген, гитара, домра, баян, кларнет, блок-флейта, флейта, саксофон, труба, соққыш құралдар, хор класы, жеке ән шырқау).   

«Жаңа оқу жылы – жарқын концерттер мен жаңа шығармашылық жеңістердің жылы басталды. Бұл жыл қатысушыларға терең білімдер, еліктіргіш ашылымдар әкелсін. Біздің музыкалық мектеп әр балаға мейірім мен қолдау көрсетеді, әр жас музыкант үшін екінші үйіне айналатынына сенгім келеді», - дейді мектеп басшысының міндетін атқарушы Ольга Леонидовна Бобровская.