Павлодар қаласының балалар музыка мектебі «Балдырғандар» қазақ ұлттық аспаптар ансамблі, фортопиано, жеке домбырашылар, «Семсер» вокалдық дуэті Екібастұз қаласының Естай атындағы балалар музыка мектебінде халықаралық «Фейервек талантов»конкурс-фестиваліне қатысты. Конкурсқа Екібастұз, Павлодар қалалары, Ертіс, Тереңкөл, Баянауыл аудандарының музыка мектептерінің 300-ден аса оқушысы қатысты.

Конкурс хореография, көркем сөз, халық әні, вокал, фортепиано, орыс және қазақ халық аспаптары номинациялары бойынша өтті. Конкурс қорытындысы бойынша қатысушылар арасында музыка мектебінің оқушылары бірінші орынға ие болды. Бас жүлдені «Семсер» дуэті (жетекшісі Масура Бокошқызы Бокош, Ермурат Серикович Жакупов), домбыра бойынша – Самига Бексултан (педагогы Жулдыз Рашитовна Корабаева) иеленді. І орынды «Балдырғандар» ансамблі, домбыра бойынша – Қайролла Еламан (педагогы Корабаева Жулдыз Рашитовна), фортепиано бойынша - Голубев Михаил (педагогы Елена Александровна Попова) иеленді.