Павлодар қаласының Балалар музыка мектебінің оқушылары 2019 жылғы 14 желтоқсанда Нұр-Сұлтан қаласында болған VIIхалықаралық көпжанрлы балалар, жасөспірімдер және жастар «Жас Дарын» өнер фестиваль-конкурсына қатысты. Конкурс ұйымдастырушысы «Daryndar Alemi» Халықаралық Шығармашылық Қауымдастығы.

Бұл іс-шараға Қазақстанның түрлі қалаларынан келген конкурсанттар қатысты. Конкурс Каз Медиа Холлтамаша әдемі концертттік залында достық жағдайда өтті.  Өнер көрсетушілердің жасы 3-тен 18-ге дейін болды. 

Дарига Булатовна Аллахвердиеваның жетекшілігімен жуырда ұйымдастырылған балалар музыка мектебінің «Bright» вокалдық  ансамбліЖ.Жексенұлырепертуарынан «Қазақстаным» әнін өте жарқын әрі әсерлі етіп орындап, көрермендердің жүректерін жаулап, ду қол шапалаққа ие болды.   Қалел Рамазан және Гаманова Виолетта «Соло»санатында өнер көрсетіп, «Пой со мной» и «Лучшие друзья»әндерін тамаша орындап шықты.      Бекімұрат Әділ А.Төлепберген репертуарынан «Туған жер» әнін бар ықыласымен орындап шықты. Үйге марапатқа лайық төрт бірінші орын алып келді.   

Дәл осы күні Павлодар қаласында халықаралық көп жанрлы шығармашылық «Шоу талантов» конкурс-фестивалі өтіп жатты. Оған қатысқан оқушымыз Хамит Ниязбек, педагогы Ишанкулов Берик Кошанбаевич, А. Жайымовтың  «Шалқыма» туындысын орындап Гран-При ұтып алды. Сонымен қатар құрамында музыка мектебінің бірінші курс оқушылары бар «Өрлеу» домбырашылар ансамблі Гран-При алды және «Самғау» домбырашылар ансамблі аспаптық орындаушылық номинациясында 2-ші орынға ие болды, жетекшісі Жұлдыз Балғашевна Сағитова.