Павлодар қаласының БММ музыкалық өмірінде жарқын оқиға болып мектеп оқушыларының «Новогодний переполох»балалар, жасөспірімдер және ересектер шығармашылығының II халықаралық фестивалінде өнер көрсетулері болды.

Таңнан бастап ПМУ залы мерекелік атмосфераға толы болды: көптеген шарлар, гүлдер, балалардың сыңғырлаған күлкісі; жас қатысушылар, сахнаға шығуларын толқумен тосқан, ашық-жарқын киімдер киген ұлдар мен қыздар. Аяз ата мен Ақша қар мерекелік іс-шараның барлық қонақтарын қуанышпен қарсы алды, ал әрбір қатысушыны жаңа жылдық тәтті сыйлық күтті.

Жаңа жылдық қойылым ешкімді де бей-жай қалдырмады: сүйікті балалар мультфильмдеріндегі танымал кейіпкерлер балалармен бірге ертегілік сабын көпіршіктерін ұстап, әсерлі дискотека ұйымдастырды.  Бүкіл мереке бойы өте жылы атмосфера болды. Сауатты ұйымдастырылған іс-шара, кәсіби техникалық жабдықтау, жайлы жағдайлар – мұның барлығы шығармашылықтың қалыптасуына, қатысушылардың ынтымақтастығына жағдай жасады.

Жеке және ансамбльдік ән салу, фортепиано, қазақ халық аспаптары бөлімшелері біздің мектепті лайықты түрде көрсете алды. Ұстаздар мен олардың тәрбиеленушілерінің шығармашылық, көп еңбектенуді талап еттін жұмысы қазылар алқасының мүшелерімен жоғары бағаланды. «Лучший педагог» кубогы  Б.К. Ишанкуловқа берілді.  Мектеп марапаттары қобдишасы  19 бас жүлдемен және 11 бірінші орынмен толықты. Біз жеңімпаздарды құттықтай отыра оларға шығармашылық шабыт, жаңа жеңістер мен сәттіліктер тілейміз!