Жобасы аясында мектепке дейінгі ұйымдарының педагогтарына арналған «Мектеп жасына дейінгі балалардың сенсорлық қабылдауын ойын және іздену арқылы дамыту» тақырыбында семинар өтті. Семинардың мақсаты – ойын және зерттеу әдістері арқылы мектеп жасына дейінгі балалардың сенсорлық қабылдауын дамыту мәселелерінде педагогтардың құзыреттілігін арттыру. Семинардың жұмысы «Интеллектуалді лаунж» форматында өтті, ол дегенің тек қана пайдалы ақпарат алу ғана емес, сонымен қатар іс-әрекетке белсенді қатысу. «Сенсорлық идеялардың экспозициясы» педагогикалық подиум аясында тәрбиеші Н. Т. Жакупова «Сезімдердің сиқырлы алжапқышы: ойын және зерттеу әлемі», тақырыбы бойынша тәжірибелік жұмысын ұсынып, сенсорлық ойындрды ұйымдастырудағы тиімді тәсілдерді көрсетті. Тәрбиеші Б. И. Маймакова мектеп жасына дейігі балалардың сенсорлық қабылдауын мульт-педагогика арқылы дамыту мүмкіндігін ашып, заманауи технологиялар таным мен зерттеудің қалай құралы болатынын көрсетті. Семинар тәжірибе бөлісуге арналған алаңға, жаңа педагогикалық шешімдерді іздеуге және кәсіби диалог құруға айналды.