Веб-сайты образовательных учреждений города Павлодар - №40 ЖОББМ

Бір жылда	0
Бір айда	0
Бір аптада	0
Кеше	0

Шағын орталық жаңалықтар

«Дәруменге бай оқиға»

Шағын-орталықтың биылғы оқу жылындағы алғашқы мерекесіне көп қонақ жиналды. Тобымыздың «Дәруменге бай оқиғасының» куәгері болды. Балалар ән айтты, жапырақтармен және қол шатырмен биледі. «Жапырақтар жинаймыз» атты дидактикалық ойын ойнады. Мерекеге қонаққа "Күз" келді. Әрине ол құр қол келген жоқ, жұмбақтар мен тапсырмалар әкелді. Орман тұрғындары да қонаққа келіп, өздерінің қысқы дайындарын айтып берді. Ертеңгілік соңында «Күз» алмұрттар сыйлады.

Сәлем Балақай!

Бүгінде «Балақайдың» есігі жаңадан келгендеге айқара ашылды. Тәрбиешілер балаларға барлық ғылымның сырын үйретеді: математика, тіл дамыту, денешынықтыружәне т.б. Бүлдіршіндер санауды, қиуды, шаблондарды жүргізуді, шұжық жапсыруды, суретке қарап әңгіме айтуды үйренеді.

Денсаулықтың кешенді бағдарламасы

№ 40 орта мектебінің облыс бойынша «Денсаулықтың кешенді» бағдарламасы аясында өткізген семинары барысында шағын-орталық топтары да тақырыптық сабақтар көрсетті. Мемлекеттік тілде білім беретін топ «Ағзамызға қажетті «Дәрумендер көп пайдалы» тақырыбында облыс көлеміне сабақ берді. Сабаққа балалар үлкен шығармашылықпен ат салысты. Мәселен дәрумендерге байланысты тақпақтар оқып, «Дәмінен ажырат» дидактикалық ойынын, «Жемістер» биін арнайы костюмдер киіп биледі. Шараға келген қонақтардың көңілінен шыққан шара болды.

Қош бол, Балақай!

«Балақай» шағын орталығының 2013-2014 оқу жылының «Ересек» тобы балаларының «Қош бол, Балақай!» ертеңгілігі. Ертеңгілік 30 мамырда сағат 11.00 –де өтті шараға балалармен бірге ата-аналар ұжымы қатысты. Барлығы 25 бала шағын-орталықтан мектепалды даярлық тобына жолдама алды. Олар жыл бойы үйренген әндері мен билерін, тақпақтарын жоғары деңгейде оырндап ата-аналарын қуанта білді. Қаир Әмір, Сакей Нурмухаммед, Нұрғабиден Айтжан, Сағынай Сабина, Қабылбек Бекарыс, Жолдас Расул және т.б. дидактикалық ойындарда тапқырлықпен көзге түсті.

9 мамыр

Біздің «Балақай» шағын- орталығында 7-мамыр Отан қорғаушылар және 9 – мамыр Ұлы Жеңіс күніне арналған мерекелік шара өтті. Бұл күні балалар Ұлы Отан соғысы жылдарында біздің елімізді қорғаған батыр аға әпкелерімен танысып, оларды бір минуттық үнсіздікпен еске алды. Содан соң бүлдіршіндер өлең, тақпақ айтып, би биледі. Мереке өте көңілді өтті.

2012-2013 оқу жылындағы «Балақай» шағын- орталығының Ересек «А» түлектері

30- мамыр күні «Қош, бол Балақай!» атты ертеңгілік өтті. Ертеңгілікке мектеп әкімшілігі, ата-аналар қатысты. Бүлдіршіндер бір жыл бойы алған білімдерін, өнерлерін көрсетті. Оларға сол күні «Білім ханшайымы» келіп математикадан, тіл дамытудан қызықты тапсырмалар берді. Балалардың ішінде белсене қатысқандар Ислам,Тимур, Ерасыл, Әсемгүл, Нұрболат және Мөлдір.

Келесі бөлімде «Біз мектепке барамыз» ойыны өткізілді. Ойынның шарты үстелге қойылған заттардың ішінен мектепке қажеттісін таңдап алу, ойынға қатысқандар Дархан мен Ислам.

Шағын –орталықтың биылғы түлектері өте өнерлі. Олар Альмира мен Ажар «Аққу» биімен,Мөлдір И.П.Крыловтың «Шегіртке мен құмырсқа» мысалымен,Ибрагим, Нұрболат, Ислам,Елнұрлар «Домбыра» биімен қалалық балалар шығармашылығының «Рауан» фестивальінің қатысушылары ретінде ертеңгілікте де өз өнерлерін көрсетті.

Шағын-орталықтан жан- жақты дамыған өнерлі бүлдіршіндер өздерінің екінші үйлері болған ұяларына және екінші аналарындай болған тәрбиеші апайларына «Қоштасу» вальсін сыйлады.

Әсемпаз болма әрнеге,

Өнерпаз болсаң арқалан.

Сен де бір кірпіш дүниеге,

Кетігін тап та бар қалан- деп Абай атамыз айтқандай мектептің оқу ісі жөніндегі директордың орынбасары Нуралин Рүстем Бейбітұлы балаларға мектепалды даярлық тобына аттануына ақ жол тілеп, дипломдармен марапаттады.

Наурыз – Шығыс елінің бүкілхалықтық мейрамы. Ұлыстың ұлы күні. Оны шығыс елі мыңдаған жыл бұрын жыл басы мерекесі ретінде тойлап, ерекше күн ретінде атап өткен. Қазақ халқы да Наурыз мерекесін айрықша қастерлеп, жыл сайын атап өтеді.Осы мерекені №40 ЖОМ жанынан ашылған»Балақай» шағын- орталығында «Ұлыс оң болсын, ақ мол болсын!» деген қанатты сөз аясында атап өтті. 20- наурыз күні өтілген шараға ата-аналар жаппай жиналды. Ақ дастархан жайып көрініс көрсетті.Жалпы, наурыз мерекесі бірліктің, татулықтың, бақыттың мерекесі. Сондықтан бұл күні шаттанбайтын, қуанбайтын адам болмайды.Бұл күні жақсы тілек тілеу, құттықтау, кешірім жасау сияқты адамгершілік қасиеттер көрініс тауып, кейінгі ұрпаққа жақсы өнегеден үлгі.

Бүлдіршіндер тақпақтар айтты, ұлттық ойындар ойнады, би биледі. Мереке бәріне қуаныш сыйлады.

Құтты болсын мерекең!

Наурыз күні — ана күні, әлем күні,

Әлемді тебірендірер ана үні.

Анасыз туған жан жоқ жер бетінде,

Ұғып ал,бүлдіршіндер, сендер мұны.

Көктемнің шуақты мерекесі 8 наурыз – Халықаралық аналар күні де келіп жетті. Балалар үшін бұл ерекше мереке. Себебі ол күні балалар өздерін әлдилеп өсіріп келе жатқан аналарын мерекемен құттықтайды. Осындай мереке біздің шағын -орталықта 7 наурыз күні аталып өтті. Ол күні бүлдіршіндер әсем безендірілген залда сүйікті аналарын төл мерекесімен құттықтап жүрек жарды тақпақтарын айтып, музыка маманының сүйемелдеуімен шағын ғана мерекелік концерт қойды. Би биледі,ән салды,ойын ойнады. Бүлдіршіндердің беттері бал- бұл жанады. Аналар да бүлдіршіндеріне сондай мейіріммен қарап, осы кішкентай балапандарының ұйқысы тыныш, күлкісі ешқашан бұзылмаса дегендей. Аналарды тәрбиешілер де құттықтап жылы лебіздерін білдірді.

Аналардың әрқашан өмірлері шаттыққа, құшақтары гүлге толсын ойлаған барша армандары іске ассын!

Өмірлері көктемдей шуақты, күндей жарық,, гүлдей сән беріп, жайнап жүре берсін!

Мереке соңында балалар қолдарымен әзірлеген кішкентай ақ қағазға жапсырылған гүлдерін сыйлады, суретке түсті.

28-желтоқсан күні № 40 ЖОМ «Балақай» шағын-орталығында «Кел, Жаңа жыл!» атты ертеңгілік өтті. 2013 –нші «Жылан» жылын қарсы алуға, балалар мен бірге ертегі кейіпкерлері келді. Олардың ішінде «Орман аюы» бірінші болып балаларға көтеріңкі көңіл сыйлады. Шыршаның түбінде ұйықтап жатқан аюды балалар ән айтып, билеп оятып алады, оянған аю балалармен бірге ойындар ойнады.

Жаңа жыл мерекесіне балалар «Аққала», «Орманда шырша туыпты», «Кел, кел, Жаңа жыл!» сияқты әндер айтып, би биледі.

Жаңа жыл мерекесінің басты кейіпкерлері Аяз атамен Ақшақарды қарсы алған балалар өте қуанышты болды. Аязатаға балалар өздері дайындаған өлеңдерін оқып беріп сыйлықтар алды. Сонымен қатар Аязата түрлі кейіпкерлер болып киінген балаларға да сыйлықтар берді.

Шараға ата-аналар да белсенді қатысты. Балаларының ең сүйікті кейіпкерлері болып киінуіне және ең тәтті сыйлықтар алуына ат салысты.

«Бізге күз не әкелді?» атты көкөністерден жасалған заттар көрмесі

ұйымдастырылды

Қазан айында біздің шағын –орталықта «Бізге күз не әкелді?» атты көкөністерден жасалған заттар көрмесі ұйымдастырылды. Мақсаты қүздің сыйынан, яғни көкөністер мен жемістерден және ағаш бұталары мен жапырақтарды қолдана отырып әртүрлі заттар жасау. Ата-аналар бұл іске шығармашылықпен кірісіп әрқайсысы ерекше бір зат көрсеткісі келді.Көрме жоғары деңгейде өтті.

Қазан айының соңында көрменің нәтижесін шығарылды.Барлық қатысушылар алғыс хаттармен марапатталды. Олар Масгут Ерасылдың ,Айгазинов Исламның, Мендыбаева Асемгульдің, Абельдинова Ажардың, Тлеулинов Дарханның және Каламов Қайнардың ата-аналары.

Күз мерекесі

7 қарашада №40 мектептің шағын-орталығында «Күз мерекесі» атты бүлдіршіндер ертеңгілігі өтті. Ертеңгілік балаларға арналған ойын-сауық түрінде өткізілді. Балалар биледі, ойнады,жаттаған өлеңдерін, әндерін айтты. Оларға мерекеге «Күз» ханшайымы қонаққа келді. Балалар қонақтың алдында алдын ала дайындалған сәбіздің, орамжапырақтың, пияздың және басқа костюмдерімен өнерлерін көрсетті. Сондықтан да балалар күз мерекесін өте жақсы көреді, бүлдіршіндердің дайындалғаны сонша жақсы болар ма «Күз» ханшайымы оларға «күз сыйынын» сыйлыққа тәтті нарттай қызыл алмалар таратты. Мереке қатты ұнады, себебі мерекеден алған әсерлерін көпке дейін бір –бірімен бөлісті.