ҚР Ұлттық академиялық кітапханасы мен ҚР Кітапхана қауымдастығының бастамасымен, сондай – ақ  ҚР Мәдениет және ақпарат министрлігінің қолдауымен 2007 жылдан бастап Қазақстанда "Бір ел-бір кітап" кең ауқымды республикалық акциясы өтуде. Республикалық акцияның мақсаты-қазақ әдебиетін насихаттау, қоғамның кітап оқуға деген қызығушылығын арттыру, Қазақстанның әдеби мұрасын зерттеуге деген қызығушылықты дамыту, өскелең ұрпақтың зияткерлік — рухани дамуы, ана тілі мен мәдениетіне ұқыпты қарау, жастарға адамгершілік, патриоттық тәрбие беру. Әдеби акция Қазақстанда  16-ші рет өтіп отыр.

  2022 жылы жалпы оқу үшін Ахмет Байтұрсыновтың өлеңдері мен қанатты сөздерінің жинағы  ұсынылады. 2022 жылы ЮНЕСКО-ның атаулы күндер күнтізбесіне Ахмет Байтұрсыновтың 150 жылдығы енгізілді.     Ахмет Байтұрсынов (1872-1937) - қазақ ақыны, мемлекет қайраткері, әдебиеттанушы ғалым, педагог, аудармашы, ағартушы, публицист, ұлттық жазудың реформаторы, қазақ лингвистикасы мен әдебиеттанудың негізін қалаушы, Алаш Орда партиясының мүшесі. Ол өзінің шығармашылық қызметін өлең жазудан бастады, онда ол жұмыс істейтін халықтың армандары мен қажеттіліктерін көрсетті. Ақын жұртшылықты оқуға, білімге, рухани дамуға, адамгершілікке, мәдениетке шақырды.

2022 жылы қазақстандықтар Ахмет Байтұрсыновтың шығармашылығын келесі бағыттар бойынша оқитын болады:

- "Ахмет Байтұрсыновтың ғылыми мұрасы";

- "Ахмет Байтұрсыновтың әдеби шығармалары";

- "Ахмет Байтұрсыновтың қанатты сөздері";

- "Қазіргі ғылымдағы Байтұрсыновтану".

    Ахмет Байтұрсыновтың өмірбаянымен және шығармашылығымен біздің кітапханаға келіп таныса аласыз.