«САП ЖӘНЕ ӘН» БАЙҚАУЫНДА ЖҮЛДЕЛІ ОРЫНДАРДЫ ИЕЛЕНГЕН ПАВЛОДАРЛЫҚТАР

2018 жылғы мамырдың 4-і күні орталық алаңда Отан қорғаушылар күні мен Ұлы Отан Соғысындағы Жеңістің 73 жылдығына арналған «Сап және ән» облыстық байқауы өтті. Байқауға құрамында Павлодар (2 команда), Екібастұз, Ақсу қалаларының және облыс аудандарының жалпы орта білім беру мектептерінің 440 астам оқушысымен 12 команда қатысты. Байқау қорытындысы бойынша қалалар арасында І және ІІ орындарды павлодарлық оқушылар иеленді. Жеңіс күні құрама команда құрамында 80 павлодарлық оқушы мерекелік шеруге қатысады. Байқау облысымызда алтыншы рет өтуде, қазылар алқасы сырт келбетті, салтанатты маршпен және ән айтып маршпен өтуді бағалады, Қазақстан Республикасы Қарулы күштерінің жарғысын білулерін тексерді.