Тақырыбы:« Төрт түлік және төлдер»

Мақсаты:Үй жануарлары туралы түсініктерін кеңейте отырып, олар туралы тақпақ, ән, ойын ойнау. Үй жануарларына қамқор болуға, оларды баптап күтуге үйрету.

Әдіс-тәсілдері:үй жануарлары туралы түсінік беру, тақпақ, мақал-мәтел, жұмбақ, тиым сөздер айта білуге салыстырмалы ойын, Д/о ойын.

Көрнекілігі:Төрт түлік суреттері төлдерімен, жайлау көрінісі, керекті құралдар, қуыршақтар.

Үнтаспадан төот түлік малдың, төлдерінің дауыстары жамырап естіледі.

-Нелердің дауыстары? Төрт түлік пен төлдері.

 - Балалар, «Ботақан» әнін айтайықшы?

Ботақан үстінде жабуы бар келеді.

Ботақан:

- Сәлеметсіңдер ме, балалар. Мені таныдыңдар ма? – ИӘ!

Мен жайлаудан сендермен кездесуге келдім.

Тәрбиеші: Қане, балалар, төрт түлік туралы бізге тапсырма әкеліпті. Орындаймыз ба?!

Д/о:«Ненің төлі?»

Мақсаты:Балалар ойын шарты бойынша төлдерді енелеріне тауып қосуы қажет.

Тәрбиеші:  Жақсы орындадыңдар. Төрт түлікті атап беріңдерші? Түйе, жылқы, сиыр, қой, ешкі?

Балалар:Түйенің төлі – ботақан,

                  Сиырдың төлі – бұзау.

                  Қойдың төлі – қозы,

                  Ешкінің төлі – лақ.

- Кім тақпақ айтады?

Мансур:Кіп-кішкене мамақан,

                Қошақанды ұнатам.

                Сүйеді анам «қозым» деп,

                Ботақаным зің деп.

М.Аружан:Айналайын торпақ,

                     Бола берме қорқақ.

                     Әукешім-ау күнде,

                     Ойнайықшы бірге.

Ғанибек:  Жалт-жұлт етіп лақ,

                 Жағалайсың бұлақ.

                 Секірем деп бірақ,

                 Қала көрме құлап.

Толғанай:        Құлын-құлын, құлыншақ,

                          Желкілдейді тұлымшақ.

                          Маңдайымда жұлдызы,

                          Құйрығында құндызы.

- Балалар, төрт түліктің адамға пайдасы қандай?

- Сүт, ет, жүн береді.

Түйенің, жылқының сүтімен не жасайды?

- шұбат, қымыз.

- Қойдың, ешкінің сиырдың сүтінен ше?

- Май, құрт, айран, ірімшік.

Д/о:«Қалай дыбыстайды?»

Мақсаты:дыбыстарын сала білу, ажырата білу.

Сұлтан:

Сиыр –ма-ма, жылқы – е-е-е

Бұзау – ма-ма, құлын – е-и-е-и

Жансая:

Түйе – бе-бе, бота – бө –бө

Қой – мә-мә, қозы – мә-мә.

Алуа:Жұмбақ

         Кішкене ғана бойы бар,

         Айналдырып киген тоны бар.

                                           (Қой)

Жандос:Жаңылтпаш

         Ақ тай ақ па?

         Қара тай ақ па?

Ән: «Қошақан»- әнін айтап, жалғастырамыз.

Ботақанды шығарып саламыз. Ал, біз төлдерге су береміз.