2017 жылғы 14 - 17 қазан аралығында Астана қаласында IV Халықаралық көп жанрлы «Дарындар аралы» балалар мен жасөспірімдер және ересектер шығармашылығының фестиваль-конкурсы өтті. Фестиваль күні 15 қазанда «Жастар» жастар сарайында өтті. Конкурсқа Омбы, Астана, Атырау, Щучинск қалаларының жүзден астам қатысушысы, оның ішінде Павлодар қаласының Құрманғазы атындағы № 1 балалар музыка мектебінің екі оқушысы қатысты.

Конкурстық бағдарлама бойынша қатысушылар бір әннен орындап, қазылар алқасы қатысушының туындыны көркем орындауын, айту мәнерінің тазалығын, дыбыс ырғағының сапасы мен сахналық мәдениетін бағалады.

Конкурс қорытындылары бойынша музыкалық мектептің екі қатысушысы конкурс лауреаттары атанды. «Моана» мультфильміндегі «Моана» әнін шырқап 9 жастағы Токатова Веста I-дәрежелі лауреат атанды, ол қалалық және мектепішілік шаралардың белсенді қатысушысы. «Барбарики» репертуарының «Цветик-семицветик» әнін орындап 10 жастағы Ангелина Мартышкина II-дәрежелі лауреат атанды. Ангелина қалалық және республикалық конкурстардың сан мәрте жеңімпазы. Конкурстың барлық лауреаттары грамоталар және медальдермен марапатталды. Конкурс жеңімпаздарын мектеп педагогы Юлия Вадимовна Захарчук дайындады.